tandang tanda ko pa

dito tayo huling nagkita

ang alon ay rumaragasa

tayo’y tunay na magkasangga

ipinangako ko sa aking sarili

ako’y hindi dapat makasarili

ikaw ay ako’t isasamang muli

tayo’y magkabagay at puring-puri

dito sa Laguna hanggang Batangas

ang porma ko’t sabi nila’y ang angas

ikaw at ako’y hindi malalagot at pipiglas

umakyat tayo sa puno ng makopa’t pipitas

malayo nga minsan ang ating nararating

ginagabi tayo’t tumatawag na si nanay Luningning

napipingot ako’t madungis tayong parang matsing

nahablot ka’t minsan aruy ang mata ko’y naduling

ang kabilin-bilinan ng aking lola

wag manapak ng kapwa ika niya

lagi lamang maging mapagkumbaba

bumangon agad kapag nadapa

sino nga ba ang bida sa larong tumbang preso

hindi ba’t tayong dalawa ang laging nananalo

ang galing kong humagis at ikaw naman ay asintado

hahaha pinaiyak nating muli si Pekto’t siya’y asar talo

ayos! at tayo’y klik at magkatropa

subok na subok at tayo nga’y lumalarga

sabi ko pa naman ay hindi ka mawawala

ikaw ay matibay kaibigan at ako’y humahanga

natatandaan mo ba ang una kong pagsinta

unang kita ko sa kanya ako’y napatulala

kay pungay ng kanyang mata’t kay haba ng paa

ikaw ang kanyang napuna’t nagustuhan agad niya

paiba-iba na nga ang istilo at may bagong nauuso

ang mga batang taga-isla’y may bagong iniidolo

bahala sila halika na’t sumampa na tayo sa barko

basta tayong dalawa saan mang lugar ay pwede tayo

subalit tinangay ka nga ng malakas na alon

nataranta ako ng husto o bakit nagkaganun

pilit kitang sinalba ngunit nawalan na ako ng pagkakataon

malayung-malayo ka na at mga paa ko’y nakabaon

hinding hindi kita malilimutan……paalam…tsinelas kong Spartan! 

by Mrs. Punk Rock Cielito

Plus

SHINE LIKE THE STARS IN BLUE. On May 5, 2018, Pilya Blog Magazine joined the Royale Satellite Center Opening and The Search for Queen Royale Germany 2018 at Stadthalle Bad Godesberg in Bonn. This event is hosted by Marylou Rinne-Schmidt, Executive Circle Member. The color motiff of the event is royal blue which matches the signature color of Royale labels for products. What makes this event unique from the rest is that the beauty contest served its purpose to endorse Royale beauty products. Congratulations Marylou and Royale Germany. Congratulations to all Candidates and Winners. Mabuhay kayong lahat! This event will be included in Pilya Blog Magazine’s “SAMPAGUITA KWELA” with more photos in June 2018. That is Pilyamazing. Abangan! PHOTOGRAPHY BY MARIA CES SEIDEL

Thank you very much. Vielen Dank. Maraming salamat po.