hay nandito na ako sa loob at gusto ko ng matulog
nakakapagod at ang ulo ko’y kakalog-kalog
iyon kasing mga anak at mga apo kong matatayog
nagkasayahan kagabi’t ako’y napayugyog
Tatang alin nga ba ang nauna “ang itlog o manok”
apo iyan ay paulit-ulit na drama ng itlog at manok
may salu-salo at nagluto sila ng pancit luglug
naku! kaunting oras lang din ang aking itinulog
65 anyos na ako’t teka ano ba itong aking silya
maliit ang suka’t mukhang di yata ako kasya
antok na ako’t dito kaya’y pwede akong humilata
makapagtanong nga kay Neneng pagdaan mamaya
sa itaas ay may naka drawing O bakit kaya may sinturon
aha! alam ko na buti na lang mahigpit ang aking pantalon
gamit ko rin ay suspender at di ko na siguro kailangan iyon
tingnan mo nga naman at sigarilyo rin pala ay meron
nagdaan itong ale’t kung lumakad ay parang pato pala
makapagbasa nga muna at abala pa ang iba
ang mahal! meron kayang bumili ng mga tinda nila
mas masarap ang aking pasalubong daing at tinapa
tumataas ang aking balahibo’t tila lumalamig na yata
itong bitbit kong jacket ay tamang-tama
bigay ito ni Utoy iyong anak kong seaman
isuot mo iyan Tatang kanyang kabilin-bilinan
itong katabi kong mama’y mukhang kontrabida sa pelikula
parang loro ang ilong at matapang ang mukha
nakupo! masinsin din ang kanyang amoy pala
gusto kong bumahin hatsing! uy! umilag siya
nakakainip din pala’t ano pa kaya ang hinihintay nila
para silang mga itik sa Kalawaan at ako’y nasasabik na
wag sanang umatake dito ang aking rayuma
at ang mga binti ko’t mga paa ay nangangalay na
“Tatang, musta ka na?” sabay halik ng aking anak na panganay
naku! ang kyut naman ng aking apo’t para siyang inakay
tayu-tayo ang buhok at mapupula ang mga pisngi
hawig din sa akin pero mas kamukha ng kanyang Daddy
“Sir, pakilagay po iyong seat belt nyo” huh? si Neneng
panaginip lang pala’t akala ko ako’y nandun na sa Wyoming
pasensya na Neneng at unang lipad ko ito sa eroplano
gayong di ako marunong nasan nga ba iyong sinturon?
CAN YOU COUNT THE “BIRDS” IN THIS STORY? A”bird” is described as a person or a thing in this story. Join the guessing game and win 2x 50€ Gutschein from MA TRANSWORLD MONEY TRANSFER. Ces Seidel will choose two (2) lucky winners. Send your ENTRY (only 1 is allowed) to Pilya Blog Magazine Facebook page ( PLS. FOLLOW & LIKE OUR PAGE). You must have a valid facebook account. Strictly for Subscribers from Germany and EU only. The game starts now and ends tonight at 2200 hrs. Good luck to all! That’s really Pilyamazing!
HAPPY 9th ANNIVERSARY, PILYA BLOG MAGAZINE! OCTOBER 2024 with Joselyn Sabado Rönisch, Director of USANA Germany as Cover Girl IS AVAILABLE SOON. Don’t miss it! SUBSCRIBE NOW. Tangkilikin po natin ang sariling atin. Maraming salamat po.
