Viva Señor Nazareno! Happy Fiesta, Black Nazarene of Quiapo!

mama, para!diyan lang po sa pagbaba ng tulay

pakibilisan lang Miss at may pulis na bantay

pagbaba ko nga’y humaharurot ang jeep hay!

basta Biyernes ganito ang aking eksena’t sanay!

kapag ako’y dumadaan hindi maaaring hindi ako sisilay 

kaliwa’t kanan nga ang aking tingin nakupo! nakakaumay 

ang dami­ daming lobo​  kabi­ kabila ang mga bangketa rito

pekeng CD’s at mga hubad na litrato ng mga artista’t porno 

sa bandang kanan may bagong talop na malalaking santol

hmmm ang bango ng hopiang baboy at munggo at nakakaulol

bababa na sana ako ng underpass ng may lalaking sumisipol

senyasan sa bangketa kapag ang pulis ay nagbubulakbol

sa may hagdan ng underpass si Totoy ay namamalimos mag­-isa 

siya ay batang paslit at napabayaan siguro ng mga magulang niya 

kaawa ­awa siya’y walang​  lobo​ at nagbigay ako kahit man lang barya

sa isang saglit naisip kong siya’y nakangit’t may ​ lobo​  paano nga kaya? 

sa ilalim ng underpass ay mga sapatos galing Marikina ang sukat

madaming ​ lobo​ at naglipana ang mga Muslim at nagtitinda ng lahat

hikaw, kwintas, singsing may mga pekeng bato at mura ang banat

“mano po Kuya Roger” siya ang aking tiyo’t ako’y nagpapasalamat

pag-­akyat ko nga ng underpass sumalubong sa akin ay mga​  lobo 

mga aleng nagtitinda ng mga halamang gamot at pampalaglag ng ano? 

mayroon din pito­pito o 7 klase ng mga dahon at gamot sa lahat bueno! 

gamot sa sakit ng tiyan at pagtatae may gayuma rin daw magkano? 

ang tanong sa bandang kanan nga ba’y nandoon ang kabutihan

kasi sa bandang kaliwa’y may ​ lobo​  ang mga karatula’y naglalakihan

“Hula­ P50 lamang” “Palm Reading P50” “Lahat P150” ito’y promo?

ang mga manghuhula “kuno” dito’y may kanya kanyang puwesto

“​huwag kang mag­-alala ang lahat tungkol sa iyo’y aking isisiwalat

may asawa ka na ba? mga anak?  iyon nga sana po ang aking ipagtatapat

“mag-­iingat ka sa kasintahan mo, may mamamatay na malapit sa iyo 

masuwerte ka, makakapag-abroad ka bumili ka ng tiket ng eroplano”

o ang hangin nangangamoy usok na ng kandila’t mga bulaklak

nagpapa­alala lang sa akin oras na’t parang ako’y tinutulak

amoy Sampaguita! pabili nga po ng sampung piso lumipad ang ​ lobo

“anak, ikaw ba’y naparito para usyosohin sila o dalawin ako?”

Amang nandito nga po ako sa Quiapo para makita’t sambahin Kayo 

ipagpatawad Nyo po’t sa buhay naming tao’y kung minsan kami’y nalilito 

ang daan patungo sa Iyo’y madaming istorbo’t nakakaengganyo 

ngunit salamat po sa Iyong simbahan at hindi nakakapasok ang mga ​ lobo 

by Mrs. Punk Rock Cielito, from her #EBIGAN BOOK, THE TALES FROM THE WOODS

That’s really Pilyamazing! Tangkilikin po natin ang sariling atin. SUBSCRIBE Now! Maraming salamat po.