magandang umaga bayan at nakaupo ako sa hapag kainan
bumangon na rin ako’t nadinig ko kasi ellah eh eh umuulan
heto’t nakaharap ako sa aming balkon at sa may salaminan
kitang-kita ko ang muta? este ang hampas ng hanging amihan
sumasayaw nga ba ellah eh eh ang mga bulaklak ng gumamela
sila’y nagchachacha sa Bocaue at ngayo’y sa tugtog ni Rihanna
ellah eh eh kamusmusan ko tuloy sa Sta.Ana kanan ay aking naalala
“plok plok” ang bagsak ng ulan at “kokorokok” ang manok ay naging tinola
hassle talaga’t kj naman O nakakatamad at ang ulan ay hindi tumitila
hanggang matutong magbasa ng komiks at isang Aliwan talaga
mabilis akong bumasa Nosa at ang paborito kong basahin ay si Zuma
ang berde’t kalbo na mama’t hari ng mga ahas at tatay ni Galema
my childhood bestie Sahlee ay laging naka-ponytail Oh! she is “Hotdog”
umagahan tanghalian at gabihan niya kasi’y laging kanin at hotdog
magkasundo kami sa maraming bagay ellah eh eh katulad ng Sanrio
siya si Twinkle Stars at ako si Melody at titser-titseran ang aming laro
pumitas ako ng dahon ng gumamela’t si Hohonday ay may subo pala
palibhasa siya’y matandang isip-bata halika’t maghanap tayo ng mutya
iyon bang puting bato’t nakatago sa loob ng buhanginang lupa
mapang-asar si Noli’t sarap ilubog din sa loob ng boteng may suka
kalokohan na ang mutya sa suka’y lumalaki’t pumuputi lamang
kasing puti ng mga ngipin ng dati kong kalaro na si Babylyn
sipain kita ng aking kung fu shoes ellah eh eh at nagtatatawa
si Neneng bungisngis at si Ana Leah ay magaling sa sungka
nakakasilaw din ang mga mapuputing binti ni Ate Jingjing
laging naka shorts ellah eh eh at sa sayawan siya’y magaling
dahil sa kanya kami’y nanalo sa simbahan “Stars on 45” at winner!
syatong! Itchie Brandy Sonny Ricky at Jojo! Let’s volt in! at Mazinger Z!
dinurog-durog ko ang mga dahon at nilubog at nilamutak sa tubig
kailangan ko iyong malapot na katas at madulas..iyon ang aking ibig
dapat kasing lapot ng si..si..si Sonny Pekto ay isang sipunin
kay hahaba ng kanyang pilikmata’t may malaking peklat at iyakin
alam nyo bang ang gumamela ay nagdudulot ng sobrang bula?
blow here at blow there O nakakapagpasaya ng kahit sinong bata
walang sawa nga kaming naghahabol ng mga bula’t parang mga bola
bubbles here at bubbles there palakihan at palayuan pa ang aming gawa
nakaupo pa rin ako’t nadidinig ko ellah eh eh ang tunog ng tubig sa labas
naliligo kami sa may poso nina Lisa’t sinasagasa ang tubig at ang lagaslas!
“tayo ng magswimming sa banyo!” ating takpan ang lagusan ng tubig ng damit
tayo ng magmeryenda sa tindahan ni Aling Tessie kahit siya’y medyo masungit
tik-tak tik-tak ooops! alas siyete na pala’t makatayo na’t makapagkape
gagayahin ko iyong napanood kong komersyal ng Nescafe ella eh eh
kapag ganitong umuulan ang gusto kong kainin ay champorado’t biko
“pabili ng tira tira Aling Luz” uy! sina kambal Odie at Roger din pala’y nandito
Ito’y aking handog para sa aking mga kababata at mga kalaro sa Sta.Ana kanan, Pateros.
Buwan ng Wikang Pambansa Agosto 2018
Theme: “Filipino” Wika ng Saliksik
Ang tema ay kumikilala sa wikang Filipino bilang midyum sa paglikha at pagpapalaganap ng pambansang karunungan at kaunlaran. Sa pamamagitan ng tema, layon ng KWF na palaganapin ang wikang Filipino sa iba’t ibang larang ng karunungan, lalo na sa agham at matematika.” Source: The Summit Express
***PAG-IBIG AT RELASYON***
by Andrea Luna
Sabi ng marami, love makes the world go round. Ang sarap kayang magmahal! Simple lang naman dapat, pero bakit ganun? Madalas, kesa hindi, masakit umibig?
Kung ako ang tatanungin nyo? Ano nga ba ang tingin ko sa pag-ibig at relasyon?
It’s complicated!
Mapa-single ka, may bf/gf o asawa. May katuwang ka man o wala.
It’s complicated!
Pero may mga klase ng pag-ibig at relasyon na mas kumplikado kung ihahambing natin sa iba. Madalas pag-usapan, pag-bulung-bulungan o pag-tsismisan. Ano nga ba ang nahihita ng mga tao na pumapasok sa kumplikadong relasyon? Ang hirap intindihan minsan, pero aminin nyo, masarap syang pag-usapan.
Umpisahan natin sa KABIT at tingnan natin si Elena.
Lumaking babaero ang ama. Madalas makitang umiiyak ang ina. Madalas din mag-away ang mga magulang nya. Papalit-palit ng babae. Paulit-ulit na taghoy sa magdamag.
Wala ng bago sa istoryang ito. Marami sa ating mga Pilipino ang kinalakihan o may kakilalang pamilyang tulad ng sa kanya.
In short, galit si Elena sa kabit. Mga maninira ng pamilya. Mukhang pera. Malandi.
Pero ng tumuntong ng ibang bansa para maghanapbuhay, inabot sya ng lungkot. Tinamaan ng matinding homesickness.
Nakakilala ng lalaking nagpanggap na binata. Umibig. Naanakan.
Si Elena. Edukado at may magandang pinag-aralan. May maayos na trabaho at malapit sa Diyos.
Siya, na matindi ang galit sa mga kabit. Naging katulad nila.
Ang saklap di ba?
Pero may mas masakit kesa maloko ng lalaking minahal. Ito ay ng kinakailangan na nyang aminin sa kanyang ina ang kinahinatnan niya sa ibang bansa.
Ang ina ni Elena. Siya, na biktima ng panloloko ng kanyang asawa. Siya na paulit-ulit na nanunugod ng iba’t ibang kabit. Ngayon, ay napilitang protektahan ang anak sa tunay na asawa ng kasintahan nito.
Bilog daw ang mundo. Si Elena daw ang karma ng tatay nya.
Pero hindi maubos ang mga bakit sa isipan nya. Bakit ganun? Ano ba ang naging kasalanan nya?
Aaah. Umibig kasi siya. Nagtiwala. Nagpaubaya.
Matagal na ang mga pangyayaring ito. Tapos na. Maayos na silang mag-ina.
Pero may mahalagang natutunan si Elena. Hindi naman pala lahat ng kabit, masama. Hindi rin lahat ay may balak mang-agaw ng asawa. Hindi lahat gustong manira ng pamilya. Minsan, mapagiro lang talaga ang tadhana.
Sa bawat komplikadong relasyon, may istorya. Hindi laging klaro, hindi laging may bida at kontrabida.
It’s Complicated nga di ba?
Pilya Blog Magazine 