HOROSCOPE ang kinawiwilihang basahin at isa rin hobby
daily or weekly at katuwaan lang ito’t walang nagmamay-ari
interesting ito para sa akin at ako nga’y gumawa ng aking sarili
bahala na kayo sa posisyon ng araw buwan at bituin are you ready?
ARIES March 21-April 19
hindi na niya kailangan daw sa iyo’y ipaalam
naman! huwag kang mahina sa pakiramdam
iyang kaharap mo ngayon ay may dinaramdam
wala siyang lagnat! sakit sa bulsa! parapapampam!
TAURUS April 20-May 20
siyanga ba’t ikaw daw ay likas na matigas ang ulo
sige nga subukan mong iuntog sa pader ang iyong ulo
kapag nabasa mo pa ang kasunod na sinulat ko
mabuhay ka! ligtas ka’t hindi ka naman uto-uto!
GEMINI May 21-June 20
kayo ay bestfriends at parang magkapatid ang gusto’y iisa
magbabakasyon siya’t huwag ka ng umarteng ikaw ay balisa
grabe ang tulo ng iyong pawis sa kasusukat ng mga damit niya
malas mo lang wala sa iyong magkasya’t dapat lang magreduce ka!
CANCER June 21-July 22
iwasan mong makipag-argumento sa iyong kapwa
madaming ganyan na mga taong may utak-talangka
gawin mo siyang ulam at sipsipin ang kanyang taba
lunurin mo pa sa sukang may asin sili’t paminta!
LEO July 23-August 22
sabihin mo sa kanila “ang utos ng hari ay di mababali”
ikaw ang nasa puwesto’t ipakita mong hindi ka mali
siguraduhin mo lang ang iyong slogan ay hindi kadiri
“sa bukid ay walang papel ikiskis mo kay Pilar” hehe uy, kunwari!
VIRGO August 23-Sept.22
naku! mag-iingat ka sa iyong Prince Charming
akala mo lang akala mo lang pero ito’y warning
may naglalaro sa kanyang isipan at kaya siya malambing
papayag ka ba? tange! uutang siya’t huwag kang assuming!
LIBRA September 23-October 22
maraming humahanga sa iyong pagiging balanse
ikaw ay kinatatakutan at wala sa iyong nang-oonse
walang masamang maging kriminal at sila’y peste
unahin ang lamok isunod ang ipis at ihuli ang daga yipee!
SCORPIO Oct.23-Nov.21
maniwala ka man o hindi sa isang sabi-sabi
nakakalason daw pagsabayin ang hipon at Vitamin C
pagsabayin mo na lang kainin ay siopao at mami
ligtas ka pa sa arsenic poisoning O bili ka na suki!
SAGITTARIUS Nov.22-Dec.21
huwag ka ng mauulit na sumakay sa kanyang biro
sino pa? iyang katrabaho mo’y sadyang pilosopo
hindi mo ba nahahalatang siya’y may ngiting aso?
hindi lang iyan may pagkahambog pa eek! feeling gwapo!
CAPRICORN Dec.22-Jan.19
salamin, salamin panahon na para ikaw ay bumili ng bago
luma na’t may lamat hindi na maganda ang iyong anyo
malas daw ang may basag at bigay ba iyan ng syota mo?
palitan mo na rin at mukhang mas may “k” iyan kadate mo
AQUARIUS Jan.20-Feb.18
kung ikaw ay may natural na talento’y ipakita mo sa mundo
maaaring sa iyo’y may humahanga’t ikaw ay hindi ordinaryo
katulad mo’y isang obra maestra’t maaari ka sa perya o sa museo
mangarap ka! balang araw ikaw ay sisikat at itaas ang iyong noo
PISCES Feb.19-March 20
talasan mo ang iyong amoy O hindi ba’t “amoy malansa”?
saan ka ba nanggagaling at nahuhuli ka na sa balita?
lumabas ka nga sa iyong kuweba’t magpa-araw ka
ang araw ay nagdudulot ng enerhiya’t baka lumaki ka pa.
Paunawa: Ang mga litrato’y pag-aari ni Ces Seidel at ang mga ito’y walang kinalaman sa tula ng may-akda. Ito’y katuwaan lamang at pawang kathang-isip lamang. Maraming, maraming salamat po.
Plus
